19. Högschdä Disziblien (… weil dess iss au imm Fuußball wischdisch!)
    
    
    1. Monschmool konn‘s soi, awwa doch ea seldä,

       dass mia unsan Dialekt ä klääns bissl abmeldä,

       doch dess steart uns näd, mia sinn hald Heldä,

       imm Zommäschwetzä lossä mia faschd alles geldä!

2. Soll heeßä, dass mia aa vawendä gern, monschmool Wordfetzä vunn onnarä Herrn,

       wonn’s hald so in die Zeilä bassä duud, unn‘s iss fa die Vaschdändischung räschd guud!

3. Drumm hawwisch folgendes mia ausgedängd,

       zu dischdä über Jogi unn die Schbrooch doo hie gelängd,

       uff’s südbadischä, was unsam Dialekt näd so fern,

       unn onnarä midsingä kännä gar zu gern!

4. Denn monschmool gibt’s so schäänä Setzä,

        ausämä onnarä Dialekt unn jeda konn’s schwetzä,

        wie zum Beischbiel Jogi’s Högschdä Disziblien,

        unn dess kriggä näd blooß mia Pelza leischdäns hin!

Refrain:  Högschä Disziblien, Männer högschdä Disziblien !

                 Missd ia hiekriggä, phiesisch wie mental,

                 unn wass da Gegna donn duud konn uns soi egal!

                 Donn schlaachä mia nadiarlisch au guudä Finnä,

                 unn dess vor alläm, weil mia welled gwinnä!!

5. Doch jedzd sinn mia gar schmählisch ausgeschiedä, unn’s gehd drumm die Fans ä bissl zu befriedä

        Mid jungä Kräfdä widda nei uffzubauä, ohnä sattä aldä Weldmeischda widda Gegna kännä weghauä!!

6. Drumm sinn mia hald mool obtimisdisch, denn dess iss fa die Oischdellung fuarschdba wischdisch

        Zu hoffä, dass es wiaklisch bessa wärd, unn ball widda bessares ma künfdisch heard!